中移動神州行要珍藏

由2004年開始養左張中移動神州行儲值卡，值至近日才知大陸已唔再出0月租儲值卡，新出卡好似每月扣15元月租費，當然市場總會出現一些古靈精怪免租卡。如果閣下還有0租卡真係要好好養住，因為香港被大陸殖民後，總要有個大陸號碼去開銀行户口、淘寶等等。

講到養卡，以前因為每月總會返大陸幾次，所以經常都會充值。但近年少返，所以大概每半年會網上充值延長有效期，攪攪吓依家儲成400幾元。原來自2012年可以張「有效期」可以取消變成無有效期的，養卡成本變成唔使一蚊個月就有個電話號碼，真係平通全地球。

神州行客戶可通過發送短信“QXLYZYXQ”到10086轉為“無有效期”模式，成功申請後，如連續兩個月無通信消費行為，則開始收取5元/月的停機保號費，同時客戶仍然可以正常使用，如需停機，可以通過短信或者網站自行申請。http://gd.10086.cn/10086/help/easyown/faq/01,24109.shtml

例如：每兩個月在香港發一條短信到內地號碼扣￥0.39，便能避開收取保號費5元，即平均每月成本￥0.39/2=￥0.195。